Հիշեցնենք, որ ՙԴրոյի՚ եւ ՙՎահան Հովհաննիսյան +... ՚ բազմահատոր գործերը, որոնցում առկա են թմրադեղերի եւ զենքի ապօրինի վաճառքի բազմաթիվ օրինակներ, ոչ թե արդարացվել են, այլ ընդամենը սառեցվել 1998թ. ՙքաղաքական իրավիճակի փոփոխության պատճառով՚: Այսինքն` հենց այն պատճառով, որ ՀՅԴ-ն մտավ իշխանության մեջ, իսկ մեզանում իշխանությանը չեն դատում... Ասել է ընկեր, թե` օրինականության երկրում, որի մասին սիրում է տարածվել Վահանը, վերոհիշյալ քրեական գործերը պետք է ունենան իրենց տրամաբանական շարունակությունները, հաշվի առնելով անհերքելի փաստերը` ՀՀ Քրեական օրենսգրքի միանգամից մի քանի ծանրագույն մեղադրանքների հիմք հանդիսացող հոդվածներով: Այդ իսկ պատճառով միգուցե արժեր ոչ թե պախարակել, այլ երախտագիտության գոնե ձեւական դրսեւորումներով հաճոյանալ այն անձանց, ում օրոք, դեռեւս մեղադրյալների կարգավիճակից չազատված, բանտից հանկարծ հայտնվեցին իշխանության վերին կառույցներում:
Հիշեցնենք նաեւ, որ նրանք, ովքեր կփորձեն մեղադրել Հայաստանի իրավապահ մարմիններին հնարավոր կողմնապահության մեջ, արժե ծանոթանալ օրենքի գերակայության երկիր ԱՄՆ-ում թմրաբիզնեսի եւ զենքի ապօրինի առեւտրի եւ այլ ծանրագույն մեղադրանքներով դատապարտված եւ մինչ օրս ազատազրկման մեջ գտնվող ՀՅԴ համաշխարհային կառույցի բարձրագույն մարմնի անդամ Մուրադ Թոփալյանի քրեական գործի մանրամասներին: Իսկ նման գործեր, ինչպես հայտնի է, աշխարհի այլ երկրներում եւս եզակի չեն: Դրանք, ի դեպ, ոչ մի առնչություն չունեն թուրք դեսպաններին ահաբեկելու կամ հայկական բանակին զինամթերք մատակարարելու հետ, որոնք ՀՅԴ բանահյուսության սիրված թեմաներն են:
Հիշեցնենք, որ կոռուպցիայի, ստվերի եւ այլ անընդունելի երեւույթների դեմ ՙպայքարող՚ ՀՅԴ-ն ինքը կարիք ունի հաշվետու լինել իր ժողովրդին, թե այդ ի±նչ փողեր են լվացվում եւ օգտագործվում այս եւ այլ ընտրությունների ժամանակ: Ո±ւր են նայում երկրի հարկային մարմինները, երբ որեւէ ֆինանսական ստուգում այս կառույցում այդպես էլ չի եղել երկրի անկախացումից ի վեր: Իսկ գործող օրենսդրությամբ պարտավոր են բոլորը հաշվետու լինել իրենց ընտրարշավի համար օգտագործվող գումարների աղբյուրների մասին ¥այդ թվում` արտաքին¤:

Հիշեցնենք քարոզարշավի ընթացքում գրեթե ամեն օր շահարկվող կոռուպցիայի դեմ պայքարող ընկեր Վահանի եւ իր թիմակիցների իրական դեմքերը: Բոլորին քաջ հայտնի ՙէներգետիկայի ոլորտում չարաշահումների հարցերով զբաղվող ՀՀ ԱԺ հանձնաժողովի՚ գործունեությունը տապալեց ոչ այլ ոք, քան հենց ՀՅԴ-ն: Բազմիցս կոռուպցիայի եւ կաշառակերության մասին աղաղակող ահազանգեր են հրապարակվել` կապված Արագածոտնի նախկին եւ ներկայիս, Շիրակի դաշնակցական մարզպետներ Հ. Կարապետյանի, Գ. Գյոզալյանի եւ Ռ. Մանուկյանի պաշտոնավարության հետ: Նույնը կարելի է ասել երկրի կրթության եւ գիտության եռակի նախարար Լ. Մկրտչյանի մասին, որը, սակայն, հասցրել է ավելի մտերմանալ երկրի ոչ դաշնակցական ղեկավարների հետ, իսկ այս օրերին ակնհայտորեն խուսափելով մասնակցելու ընկեր Վահանի քարոզարշավին` տեսադաշտից լրիվ կորել է: Նրան եւ իր կուսակիցներին պատկանող բաղնիքների, գիշերային ակումբների, շուկաների, ռեստորանների, դաշնակցականի կերպարին անհարիր այլ ՙօբյեկտների՚ մասին երկար-բարակ նկարագրությունների կարիքը չկա: Ժողովրդին դրանք վաղուց են հայտնի:
Ավել

 որդ չէ հիշեցնել, որ ՙընդդիմադիր՚ ընկեր Վահանն ու իր ՙազնիվ՚ ընկերները բազմիցս կրկնում են, որ որեւէ անջրպետ չպետք է լինի իշխանության եւ ժողովրդի միջեւ, որ հենց իրենք են նախաձեռնել ստորագրահավաք` վերացնելու, օրինակ, ՀՀ ԱԺ պատգամավորի անձեռնմխելիությունը, մինչդեռ բոլորն են հիշում, որ նման նախաձեռնության իրական հեղինակներին այդպես էլ չհաջողվեց նմուշի համար գոնե մեկ դաշնակցական պատգամավորի, այդ թվում` ընկեր Վահանի ստորագրությունը ստանալ: Իսկ այն հեքիաթները, թե ընկեր Վահանը պատրաստ է ամեն օր հանդիպել ժողովրդին նախագահ դառնալուց հետո, իրոք ՙկասկածից վեր է՚:
Ինչ վերաբերում է ժողովրդի քվեներով ընտրվելու հավանական սցենարին, ապա կարիք կա նույնպես հիշեցնել, որ ժամանակին մի կերպ` կեղծիքներով Նոր Նորքում 1998թ. ՙընտրվելուց՚ հետո, ընկեր Վահանը մյուս երկու ընտրություններում գերադասել է ՀՀ ԱԺ խցկվել միայն ցուցակներով: Ինքներդ դատեք. Հայաստանի Հանրապետության նախագահի աթոռին հավակնող անձը համարձակություն չի ունեցել անգամ մեծամասնական կարգով իր թեկնածությունը ներկայացնել բազմաթիվ ընտրատարածքներից որեւէ մեկում:
Ի դեպ, կարեւոր է հիշեցնել, որ ՀՅԴ-ն Հայաստանում ունի ընդամենը 4-5 հազար կուսակցական: Այդ ինչպե±ս է հասցրել ընկեր Վահանի քարոզչախումբը հավաքել 170.000 ստորագրություն` օրենքով եւ տրամաբանությամբ անհասկանալի ՙընտրական պայմանագիր՚ կոչվածով, մնում է առեղծված: Վստահ ենք, որ նման քանակությամբ քվեներ մարդիկ չեն տա ընկեր Վահանին, որից հետո ՀՅԴ-ին կմնա կա°մ ժողովրդին մեղադրել անպարկեշտության մեջ, կա°մ էլ նախապես մեղադրանք պատրաստել ԿԸՀ-ի դեմ:
Էլի շատ բան կարելի է հիշեցնել ՙընդդիմադիր՚ ընկեր Վահանին եւ նրան համակ ուշադրությամբ եւ վստահությամբ հետեւող հնարավոր ընտրողներին: Այն, որ Սփյուռքի ՀՅԴ-ն եւ Հայաստանի ՀՅԴ-ն հայրենասիրության, սկզբունքայնության եւ այլ առումներով քիչ առնչություն ունեն իրար հետ: Այն, որ հենց այդ տարբերությունների եւ շատերի աչքերում ՀՅԴ վարկանիշն այս տարիների ընթացքում շեշտակի գցելու համար Սփյուռքի դաշնակցականները, հնարավորության դեպքում, կամ հաշվեհարդար կտեսնեին, կամ բանտ կնստեցնեին իրենց կուսակիցներից շատ-շատերին առաջին հերթին` ՀՅԴ ղեկավար ընկերներին: